7.10.2011

大排隊日本拉麵店 - 豚王

上個星期幾乎日日被客戶狂捽,
那個proposal改完又改改完又改,
改到有好幾日連午餐都無時間食,唉..

星期五下晝趕完proposal,
隨即又要飛身去中環做另一項工作,
誰知一落的士,咦.. 豚王拉麵就在眼前喎!

這家由開張至今都日日大排隊的日式拉麵店,
今日有緣相會而又不見人龍,當然得15分鐘空檔都要一試~

豚王拉麵的主理人為日本達/潮人陳方滕 (Meter Chen),
因希望將最正宗博多口味拉麵帶到香港而與友人開店。

拉麵師父方面Meter找來師承一蘭的山田先生助陣,
五年前他在涉谷創立 Nagi Ramen,
翌年立即得到《東京一週間》頒贈的新人賞,
07年再獲《東京一週間》選為年度豬骨湯底拉麵冠軍,
絕對大有來頭!

豚王開在蘭桂芳附近的和安里,店子細細,很有日本街頭麵店味道。友人看完此照後問:排隊的話在那裡?哦.. 店主在對面馬路放了一排圓囉!秋/冬天還可以,但家陣大熱天時,hot die啦
桌上放滿了麻油、胡椒、芝麻、生蒜及伴麵小吃
當日有貌似是但一個韓國少女組合成員在吃麵
跟日本的一蘭一樣,客人可根據自己的喜好而選擇拉麵的軟硬度、湯底的濃度等等。而拉麵方面有四種選擇:正宗的豚王(正宗)、黑王 (加了墨魚汁),赤王 (辣味)及翠王(唔知乜味 :p)
說實話,要我為一碗拉麵坐在街上一小時是絕不可能的,若果你也有同感,不坊在下晝5點來碰碰運氣啊
登.. 登.. 登.. 登.. 豚王拉麵到!咦.. 真的蠻有一蘭feel喎又

評語:終於能在香港吃到一碗很有日本feel的拉麵了!麵質有咬勁、湯底夠濃,可惜的是我當日因太趕時間而未能慢慢品嚐。
總結:不單拉麵有水準,服務生也很勤快又好笑容,難怪連大美人李嘉欣也甘願坐在街上等食。唯一美中不足的是店子太少,又加上是半開放式設計,夏天來吃麵真是要帶備多兩包紙巾。

2 comments:

naruto said...

原來有機會唔使排隊,咁我搵日都要去撞下啦

everygoodthing said...

我都係咁話,啋佢都傻啦,好多青春咩,仲排隊?!
有無食過大坑"達摩"呀?!邊間"骨"呢?!
我只係食過"達摩"咋!