食pizza.. 睇憶蓮.. 笑卡卡..

望吓個calendar仲有7日就係蓮母誕啦！其實由當初收風知道佢又再以聖水惠澤信眾，再到買飛收飛分飛都好似無咩感覺咁，點知呢幾日個心又開始卜卜跳，蓮母力量果真非凡！聽業內人士講，蓮母呢次開壇去票情況算幾ok，頭尾場、weekend場同全部平飛都去清，係中間嗰啲仲有飛淨。話晒貴飛要成680蚊張喎，同埋今勻已經係佢6年嚟第4次開壇啦，仲有咁多信眾撐場，真係安慰！

話時話，要買飛既都應該買晒飛啦呵，仲諗緊睇唔睇嗰啲應該都唔算係die hard信眾。不過咁，如果你係50/50個隻信眾，嫌貴無買飛但又想支持吓既大可以參加一個名為“縱情feel good.. 盡情憶蓮”既campaign囉。大家即日起去各大Pizza Hut食滿300蚊，然後拎住張receipt去呢個網度登記，跟手再留低你既“feel good”時刻，寫得夠盡情就有機會袋走蓮母誕最貴飛一張喎！其實要搞咁多野，又要去食又要上網登記又要寫埋野仲加埋要抽到獎先得一張飛，真係辛苦晒囉，買張無咁嬲啦！

係喎，Pizza Hut同蓮母個image真係大欖都扯唔埋，乜傢伙會joint promotion架？係都同IFC啦哈哈..