8.02.2007

亞勳的10年

3650日..
480個星期..
120個月..
10年.. 就這樣過了!

97年7月2日我決定回歸香港、7月3日跟ex表示我的決心、7月9日遞辭職信、7月10日訂機票,一切都落實得很快!還記得97年8月1日(香港時間)香港正懸掛9號風球,遠在多倫多慢走了12小時的我以為上不了機。幸好,風球很快便除下,我如常上機,飛了17小時,97年8月2日傍晚到港。一落機,嚇了一跳,整條長廊都擠滿了因打風上不了機的旅客,他們全都坐在地上,面上流露不悅之色。認過行李後,我帶著勁興奮的心情步出接機處!門一開.. 哇~~~~~~~~~~~~~~~~~~~~因為前一日打過風,有多班航機被迫同時到達,所以當時應該有近千人在場接幾。人實在太多,我無辦法見到來接我機的幾個朋友,最後我唯有用身上僅餘的港幣打了一個電話,差不多擾攘了20分鐘才見到我的幾個手帕交,我們登時開心得擁抱起來!

下一個10年不知我會在那裡呢?做著甚麼呢?有無伴呢?Hysteric Glamour仍是最愛牌子?還會寫blog嗎?

於多倫多臨上機前與幾個超要好朋友合照

21 comments:

Wordy said...

那個颱風叫維克托,在青衣、荃灣一帶登陸。登陸前降格為強烈熱帶風暴,掛不成十號風球。香港掌故完畢。

別說十年,十小時後的事也說不準,我今早便無意中聽到一個震驚的消息。十年後,你或者會喜歡另外的牌子,但應該還是那麼好玩又敏感吧。隨遇而安就好了。

起初認不出你,比較墨西哥遊記,靠衣著才辨出來。

Fun said...

哈,多謝你的掌故呢。查實我正在上網翻查這個颱風的名字..

對.. 今日的確唔知聽日事.. 活在當下算吧啦.. hysteric glamour都有些踏實設計的,10年後應該還可穿..

97年的時候超肥,認不出來是正常的呢~

Anonymous said...

原來你從多倫多回來。

當年亦因移民關係在那邊逗留了半年,頂唔住走番香港,對嗰邊無咩留戀,只掛住 new york fries

btw....做咩咁感性?

Fun said...

多倫多真的那麼差嗎?其實我蠻喜歡這個城市的..

只有new york fries令你回味?就這麼多?

那麼你當年住在那區,我是住密西沙加的..

感性?其實我份人幾感性架 :p

Anonymous said...

對我嚟講又真係幾差,活動唔多,朋友又唔多,我怕凍,實在太凍。

除咗 new york fries, 仲有漢堡包。。連名都唔記得,好似係wendy's(?)

住在連英文都唔駛講嘅史嘉堡。

Fun said...

又的確係幾凍既~~

我諗朋友都幾決定你有幾鍾意一個地方..

wendy's.. 個logo係個紅色頭髮紮住孖辮幾細路女~

史嘉堡.. 我當年係victoria park & steeles返工架~

典解你個blog無野既?

Anonymous said...

唔記得係唔係wendy's,只記得可自選大量配菜,D菜名又唔識,通常我會講ALL PLEASE. 諗起都好味。

電台工作?我有聽陳芷菁。。。

唔知點解當初覆唔到朋友個blog(可能我用mac機),登記個blog就覆到。。。我無本事寫blog

Fun said...

哦.. 我算係接陳芷菁手架..

寫下啦.. 看人也看自己嘛~

Wordy said...

我阿叔住在密西沙加二十幾年,ex- 就從 richmond 搬左去市郊……仲有士加堡,對大多市只知道這些(因為未去過)。

颱風是我另一興趣,可惜近年冇乜 exciting input,去年這段時間寫下了這一篇「鉅構」:
http://wordyhylau.blogspot.com/2006/08/blog-post_05.html

Fun said...

咁我會唔會識你阿叔架?richmond..即係richmond hill? 多倫多既夏天好舒服架.. 可以去strawberry picking, 又可以去park度picnic..

等我睇下先~

best actor said...

Richmond係大溫市果個﹐不過都係華人社區就是。睇返你係Pearson影落o的相都幾過癮﹐果陣睇怕都係o係Terminal 2吧﹖而家已經起到T4。o的商店己經唔係以前咁樣。我都有差唔多二十年前離開香港果o的相﹐睇落都噴飯。可以講我一早成為加燦﹐家人家庭都係呢邊﹐安心立命。

Anonymous said...

其實邊一位係你,我真係認不出來

Fun said...

真係貢難認?

右二呀~

Fun said...

to best actor,

安心立命是一件好事啊..

偶然我會想.. 如果當年沒有回來,我的人生會變成怎麼樣?

路是自己選擇的,不能回頭的話唯有抬著頭向前走..

Ogake said...

其實都唔算好難認丫,得你一個眉粗粗之嘛,同埋都唔係好肥丫,連肥都講唔上~

Wordy said...

我第一眼認不出,然後用排除法,迅即只剩右二。加埋條短褲同對白襪,應該無錯。

仲有,果時個樣好純。

Fun said...

哈哈... 加拿大人係純d架~

其實4個之中只有我那個造型“最係我”..

Wordy said...

「加拿大人係純 d 架」…噢,超級x10 同意。

你的好友穿得很(不同方面的)隆重啊。

Fun said...

wahaha..

我記得個朝我有問:你地著成咁去飲呀?

中間那位好友最近搬了新屋,鄰近海灘,很想去探探他呢..

best actor said...

風共你
也許一天於天涯途上
來回尋覓中找到你所想

:o)

Anonymous said...

睇第一眼真係要諗諗, 第二眼即刻認出啦!

我的路程和你相反, 97年8月, 辭左香港份工去溫哥華玩左10日, 流連忘返, 之後半年內再飛左去三次. 從此個心留左係加拿大.